منتدى ليتك معي



 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 الفرق(بين اعيال الهاي هاي) و(عيال الدشاره)..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آيس كريم مشوي



عدد المساهمات : 10
تاريخ التسجيل : 19/06/2010

مُساهمةموضوع: الفرق(بين اعيال الهاي هاي) و(عيال الدشاره)..   الخميس يوليو 01, 2010 7:27 pm

الفرق الشاسع بين عيال النعمه (الهاي هاي) وورعان (زحف ودشره)


(عيال الهاي هاي )


في الصباح حيث يبدأ يوم هؤلاء الورعان عندما يستيقظ على صوت
الكناري اللي بغرفته , بعدها يتوجه للحمام يتروش ويفرش أسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على أمه وأبوه وأحلى
بوسه ياخذها منهم
ويفطر ذاك الفطور طبعا عباره عن كورنفليكس أبو ديك وبيضه وحده بس!!
وكاس عصير وشوية زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه



(ورعان زحف ودشره )


هؤلاء الورعان مايصحوا من النوم الصبح إلا بعد ما يطلع الواحد عين أهله ولازم جميع أفراد العائله تمر عليه
عشان تصحيه وكل واحد وطريقته
الاب: قم جعلك الهزل ..!!
الأم: قم جعلك الجدري ..!!
الأخ: والله إذا ما تقوم لافقع وجهك ..!!
أخته: < تسوي نفسها بتدلعه> : يالله قوم وأعطيك شنطة أخوك تروح فيها
للمدرسه ..!!
بعد ما يقوم يمر الحمام على السريع ويغسل وجه
وبعدين ياخذ أقرب كتب عنده ويربطها ويجيك مدحدر يدور الفطور ويتفاجأ
أنهم ما حطوه ..!!
بعد ما يجي الفطور وهو كالعاده فول شكشوكه وخبز تميس + حليب ..!!
يبدأ الورع بالأكل وشوي إلا وهو حاذف أخوه بعلبة الهندسه ..!!
عشانه سحب صحن الفول من عنده <مسكين ما يطوله> وشوي الا وهو
مسدد بقس عنيف يمشي مليوووووووووووون لأخوه الثاني!!
لأنه سرق فسحته..!!
أبوه يتكلم معه يا ورع أركد وأفطر وعين خير أنت وش بلاك؟.. وراك مدرسه
يرد الورع عليه: انت ما تشوف سعيدان سارق فسحتي ..!!
<<سعيدان اكبر سروق بالبيت>>
أبوه على طول يصدق ويصـــــــك سعيدان كف صدقي ..!!
المهم بعد ما يخلص الفلم اليومي يروح الولد للسياره يلقى أخوه فاتح
الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه ..!!

(عيال الهاي هاي )


بعد المدرسه يرجع الورع ويلقى المربيه في استقباله تاخذ
الشنطه وتوديها لغرفته بصحبته
يغير ملابسه ويغسلو جهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق
يروح لغرفة الجلوس ويشرب شاهي للتهضيم , ويحلي بقطعة كيك وبعدين
يروح لغرفته ينام له ساعه قبل العصر.



(ورعان زحف ودشره )


الورع منهم يجي من المدرسه وثوبه قالب لونه بني<< تقول جدارمدرسه >>
ولا دخل البيت رمى الشنطه بالصاله وفصخ ثوبه
ووينك يالشارع << أخوياه يحترونه>> وهاتك ياللعب
كوره بذي القايله وعاد الشارع مولع من الحراره وهم عادي مررره
ولا كأنه فيه شيء واهله ما يدرون ..!!
في هذه الأثناء يرسل أبوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس << والله ما أحد لمسه النصاب>>
المهم يحطون الغداء <<معروف كبسة لحم>> غيره ما فيه ..!!
يتغدى الورع الكريم ويصــــــــــــــــــك بعدها لتر لبن
بعدها يجلس ساعه فاتح فمه
يحتري من يوديه يغسل له يديه ..!!



(عيال الهاي هاي )


لاجاء العصر جابوا دروسهم وشافوا وشعليهم من
واجبات وحلوها وحضروا دروس بكره بمساعدة الماما والبابا
بعدها يروح لغرفة الألعاب ويجلس على البلاي ستيشن 3 وخذ لعب
لمدة ساعتين تقريبا يعني الى وقت ما بين المغرب والعشاء
بعدها تطلبه أمه مع بقية أخوانه عشان يجتمعون ويشربون العصير
ويسولفون سوالف رايقه



(ورعان زحف ودشره )


يجي وقت العصر وهو نايم << مفعول اللبن >> يقوم قبل المغرب
وياخذ دروسه وواجباته << وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه علشان تحل له
الواجبات واذا قالت لاياويلها يا سواد ليلها..!!
بعد كذا أنواع الدجه مع ورعان الحاره ومن هم على شاكلته ما يخلون
هندي الا وسرقوا سيكله ..!!
مايخلون شارع فيه تفحيط إلاومروا عليه وخذ إزعاج ووجع راس لخلق الله ..!!
ولا رجع البيت << على الساعه 11 الليل تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت ..!!
وأهله مساكين مايدرون عنه ..!!



(عيال الهاي هاي )


بعد مايتعشى الواحد منهم ويمسي على أهله يروح لغرفته ويجلس
على النت ساعه أو ساعتين إلى موعد نومه << الساعه 10 تقريبا >>
بعدها يغير ملابسه , وتجي المربيه وتحكي له قصه اللين ينام تغطيه وتطفي النور ..!!



(ورعان زحف ودشره)


لا رجع البيت<<الساعه11الليل>> ما يدخل مع الباب لا
ينط منفوق السور علشان ابوه ما يمسكه..!!
وعلى طول لغرفته ويسكر الباب ويطفي النورو يطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه ..!!
وفي أثناء ذلك يستغل الفرصه ويدز للمطبخ وياخذ منه جبن << جبنةالبقره الضاحكه >>
وخبز ويرجع لووووووووووكره (( غرفته ))
ويقفل بابالصندقه << الغرفه>> ويتعشى من ذا الجبن والخبز
الين يدوخ < علىالساعه 3 >> لا وأزيدكم من الشعر بيت ما ينام
إلا وهو متلطم ..!!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hoOney



عدد المساهمات : 32
تاريخ التسجيل : 20/06/2010

مُساهمةموضوع: رد: الفرق(بين اعيال الهاي هاي) و(عيال الدشاره)..   الثلاثاء يوليو 27, 2010 7:04 pm


هههههههههههههههههههههههههههههههههههههههههاي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد المساهمات : 114
تاريخ التسجيل : 18/06/2010

مُساهمةموضوع: رد: الفرق(بين اعيال الهاي هاي) و(عيال الدشاره)..   الأربعاء يوليو 28, 2010 6:11 pm

هههههههههههههههههههههههه والله انك صااااادقه
فرق شاااازع بينهم Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://n0on0o.yoo7.com
طبــعي الوفاء



عدد المساهمات : 108
تاريخ التسجيل : 21/07/2010

مُساهمةموضوع: رد: الفرق(بين اعيال الهاي هاي) و(عيال الدشاره)..   السبت أغسطس 21, 2010 3:46 pm


الله يجزآاآاآاآاآاك ألف خير ع الموضوع
والله من صدق يضحكـــــــــــــ

والله اني أرحمه يتعشى ع خبز وجبن بغرفته وهو خايف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RouĐi ♥ !i -



عدد المساهمات : 78
تاريخ التسجيل : 30/08/2010

مُساهمةموضوع: رد: الفرق(بين اعيال الهاي هاي) و(عيال الدشاره)..   الإثنين أغسطس 30, 2010 7:03 pm

ههههههههههههههههههههااي lol!
روووعه ،، قسممم صااادقه
ههههههههههههههههههههههههه
يعطيك العافيه ..
منورة king
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفرق(بين اعيال الهاي هاي) و(عيال الدشاره)..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ليتك معي :: منتديات ليتك معي الترفيهية - منتديات ترفيهية - الاقسام الترفيهية :: وسع صدرك-
انتقل الى: